MAKAMU WA CHUO CHA UANDISHI WA HABARI NA UTANGAZAJI ARUSHA BW ELIFURAHA SAMBOTO AKITOA SEMINA YA UJASIRIAMALI NAMNA YA KUTAFUTA MASOKO

Semina  ya 11 ya ujasiriamali inayoendelea katika ukumbi wa chuo cha uandishi wa Habari na utangazaji Arusha,imekuwa mwanga kwa wanafunzi wanaosoma chuoni hapo.

mitazamo ya ukosefu wa ajira  kwa vijana wengi  itakoma,  kwa  jitiada za wakufunzi wa chuo hicho  kuakikisha kuwa mwanafunzi anatoka hapo akiwa na mtazamo wakujiajiri na kuanzisha kilicho chake.

Vijana wengi wamekuwa wakilalamikia tatizo la ajira huku wakitupia serikali lawama za hapa na pale wakisaau kuwa uchumi unajengwa na mtu binafsi kwa nguvu zake na jitiada zake.

UMASKINI ni nini basi 
ni hile hali ya ukosefu wa mahitaji ya msingi kwa binadamu kama vile chakula, maji safi, huduma za afya, mavazi na malazi kutokana na kukosa uwezo wa kuvinunua. 
Kutokuwa na rasilimali za kutosha husababisha pato la taifa kupungua hali inayoifanya serikali kukosa fedha za kuboreshea huduma za jamii.

Afya duni na ukosefu wa elimu pia ni vishairia vya umaskini kwani wananchi wasipokuwa na afya na elimu hawawezi kuzalisha bidhaa bora zinazoweza kushindanishwa katika soko la dunia.

Ujasiriamali ni nini basi? 
Ujasiriamali ni ile hali ya kuwa radhi kuthubutu au kuanzisha jambo jipya kwa njia ya ubunifu ambao utampa faida hapo baadaye baada ya kunadi ufanisi wake kwani hata wanauchumi wengi wanakubali kuwa ujasiriamali ni kiungo muhimu katika kukuza na kuendeleza uchumi wa Taifa.


Wengi wao hutazama ujasiriamali kama vile upo kwa ajili ya watu ambao hawana kazi. Siwalaumu wote wenye mtazamo wa aina hiyo kwani haya ni matokeo ya mfumo wa uchumi uliotukuza pia ni mfumo unaoamini kuwa mafanikio ya kweli yanapatikana kwa mtu kusoma na kisha kuajiriwa.

Licha ya hayo, kwa kipindi kirefu sasa serikali na sekta binafsi zimeshindwa kukidhi wimbi la vijana wanaomaliza shule ama vyuo hivyo basi wakati umefika wa kushawishi vijana kuangalia na kutafuta mbinu mpya za kujiajiri kama wajasiriamali ili kuweza kujikimu katika maisha yao ya kila siku.

Ikumbukwe kuwa utajiri utokanao na ujasiriamali ama kufanya kazi kwa bidii au umaskini wa mtu huanzia katika fikra na mitazamo yake kwani tajiri huwa tajiri kabla hajamiliki mali yoyote na maskini huwa maskini kabla ya kuridhika na hali yake.

Ujasiriamali ni zaidi ya kuanzisha biashara na hata wale waliojiriwa wanaweza kuwa wajasiriamali kwenye kazi zao kwa kuwa wabunifu na kuanzisha mbinu mpya zitakazorahisisha kazi zao na kuleta ufanisi ili kuepuka  kuwa wabangaizaji na wahangaikaji ilihali tukitaka kuitwa wajasirimali.

KUNAFAIDA NYINGI SANA KUWA MJASIRIAMALI
1. Inatusaidia  kutatua maitaji ya watu na jamii kwa ujumla kwani nikuleta majibu ya matatizo ya wengi

2.Faida nyingine za ujasiriamali ni kwamba hutusaidia kutumia ipasavyo rasilimali tulizo nazo, kupelekea kwenye matumizi sahihi ya rasilimali watu pia hutupa mwanga katika kufanya na kuanzisha shughuli mpya pamoja na kupunguza idadi ya watu tegemezi baada ya kujipatia kipato.

3.Hali kadhalika ujasiriamali ni njia mbadala ya kuongeza nafasi za ajira katika nchi zinazoendelea kwani ni msingi katika kujiongezea kipato na kupunguza umaskini, hivyo basi ni wajibu wa serikali kusaidia wajasiriamali wakubwa na wadogo ili kuongeza tija katika uzalishaji wa bidhaa na huduma kutoa mchango chanya katika mipango ya maendeleo ya nchi au taifa husika.
 
Shukrani kwa wakufunzi wote wa ARUSHA JOURNALISM TRAINING COLLEGE 

HAKUNA MAREFU YASIYO NA NCHA HATIMAYE SEMINA YA UJASIRIAMALI YAFIKA TAMATI KATIKA CHUO CHA UANDISHI WA HABARI NA UTANGAZAJI ARUSHA

Mkufunzi wa chuo cha uandishi wa habari na utangazaji Arusha Bw. Massawe maarufu kwa jina la Kompyuta wizadi akifundisha njia mbalimbali za kutunza kumbukumbu za mapato ya biashara



Bw Massawe ameelezea njia tofauti tofauti ikiwa ni pamoja na kuwa na kitabu mbalimbali vya mapato ambavyo humsaidia mjasiriamali katika kufanya mahesabu ya biashara yake

Wanafunzi wakifanya biashara katika ukumbi wa chuo hicho  baada ya kupata semina ya ujasiriamali

Makamo mkuu wa chuo cha uandishi wa habari na utangazaji Ausha akifunga semina hii ya ujasiriamali iliyoanza tangu siku ya Jumatatu na kufikia kikomo siku ya leo



Kwa niaba ya mkurugenzi wa mafunzo katika chuo hicho Bw Elifuraha Samboto  ambaye ni makamo mkuu wa chuo ametangaza rasmi kufungwa kwa semina hiyo


Amewahasa wanafunzi kutokujiwekea dhana ya kutokuajiriwa pindi wamalizapo chuo kwani baadhi yao baada ya kupata semina hiyo wamekata tamaa ya kutokuajiriwa na kujiajiri wenywe

"Wengi wao wamesema hawataajiriwa na mtu yeyote pindi wamalizapo chuo, hilo wazo ni zuri ila lazima uwe na mtaji wa kujiajiri ,nawshauri  wanafunzi waajiriwe ili waweze pata mtaji pia kupata uzoefu wa mambo mbalimbali ya kibiashara"Alisema Bw. Samboto

MIPANGO MIKAKATI YA BIASHARA

Semina ya ujasiriamali imeendelea katika chuo cha uandishi wa habari na utangazaji Arusha  huku mada mbalimbali zikiwasilishwa na wakufunzi wa chuo hicho.

Muwasilisha  mada wa kwanza Bwana Thomas Majaliwa Ishengoma amesema biashara nyingi zinashindwa kudumu kutokana na ukosefu wa elimu muhimu katika biashara sanjari na kufanya biashara moja huku akiwashauri wajasiriamali na wanaohitaji kuwa wajasiriamali kuwa na mazoea ya kujaribu biashara zote.

Mkufunzi wa chuo cha uandishi wa habari na utangazaji Arusha Bwana Thomas Majaliwa Ishengoma akiwasilisha mada isemayo Ujasiriamali  katika semina ya ujasiriamali inayoendelea chuoni hapo.

Aidha amesema ili biashara idumu mjasiriamali anapaswa kufanya mambo ambayo yatainua biashara yake ikiwa ni pamoja na kutengeneza bidhaa yenye thamani kwa wateja sanjari na kuwa na nguvu ya kifedha.

Kwa upande wake mtoa mada wa pili Bwana Elifuraha Samboto ameelezea mambo muhimu ya mkakati wa kimasoko kuwa ni katika kuwalipa na kuwajali wafanyakazi, na kufanya utafiti wa kibiashara na kuwajali wateja.

Mkufunzi wa chuo cha uandishi wa habari na utangazaji Arusha Bwana Elifuraha Samboto akiwasilisha mada ya isemayo mkakati wa kukuza soko la biashara katika semina ya ujasiriamali inayoendelea chuoni hapo.

Hata hivyo amesema kuwa mjasiriamali ili aweze kuendelea na kufikia malengo yake anapaswa kuepukana na uvivu, wivu, Chuki, pamoja na hasira .

Naye mtoa mada wa tatu Bwana Elihuruma Chao ameelezea kanuni muhimu za mjasiriamali kuwa ni lazima aipende kazi anayofanya, uwezo wa kusimamia kazi, kuthubutu kufanya kile ambacho amekusudia pamoja na kuwa na nidhamu katika biashara anayoifanya.

Makamu mkuu  wa chuo cha uandishi wa habari na utangazaji Arusha Bwana Elihuruma chao akiwasilisha mada ya isemayo maadili ya biashara katika semina ya ujasiriamali inayoendelea chuoni hapo.

Aidha amesema ili mjasiriamali aendelee mbele lazima afuate maadili ya biashara ambayo ni kuheshimu hadhi ya kila mfanyakazi, kuwa mwaminifu katika kutoa ahadi za kweli kwa wateja wake na kuendeleza mahusiano mazuri  kwa wateja wake.

Wanafunzi wa chuo cha uandishi wa habari na utangazaji Arusha wakisikiliza pamoja na kuandi kakile kinachowasilishwa  na wakufunzi wa chuo hicho katika semina ujasiriamali inayoendelea chuoni hapo.

Semina ya ujasiriamali imeanza siku ya Jumatatu ambapo mpaka sasa mada tisa zimekwisha wasilishwa  na inatarajia kufikia kikomo 

UJASIRIAMALI WAPAMBA MOTO AJTC

Wajasiriamali nchini wameonywa kutokuwa na ubnafsi katika shughuli zao za kila siku.

hayo yamesemwa na aliyekuwa mgeni rasmi Bw. Samweli Sainyenye wakati akifungua semina ya ujasiriamali iliyoanza rasmi18 mwezzi huu katika ukumbi wa chuo cha uandishi wa habari na utangazaji Arusha.

Bw Samweli amesema kuwa  ubnafsi umekuwa pingu ambayo imewafunga wajasiriamali walio wengi hapa nchini.

 Aidha ameongeza kuwa zipo rasilimali za kutosha kama vile nyuki artdi ya kutosha ,maji na megineyo lakini lakini hawatambui jinsi ya kuzitumia.

Mgeni rasmi  bwana Samwel Senyenye akitoa utangulizi mfupi katika semina ya ujasiriamali iliyofanyika katika chuo cha uandishi wa habari na utangazaji Arusha {AJTC} hii leo.

Ameonya kila mtu ajitahidi kufanya kila kitu chenye maendeleo kwa kadri umri unavyosogea mpaka pale atakapofikia kikomo

MAJALIWA: KUNA WADUDU MADENI YA WATUMISHI

Waziri Mkuu, Kassim Majaliwa

 akikagua hali ya upatikanaji wa bidhaa za vyakula na bei zake katika Soko Kuu la mji wa Ruangwa akiwa kwenye ziara yake wilayani humo, mkoa wa Lindi juzi. Kulia kwake ni Mkuu wa Mkoa wa Lindi, Godfrey Zambi. (Picha na Ofisi ya Waziri Mkuu).

WAZIRI Mkuu, Kassim Majaliwa amesema Mdhibiti na Mkaguzi Mkuu wa Hesabu za Serikali (CAG) anafanya uhakiki wa madeni ya watumishi wanayoidai serikali ambayo imebainika kuwapo madudu.

Alisema madai mengine yameonesha mashaka hivyo amewataka wakurugenzi wa Halmashauri na Wakaguzi wakuu wa ndani kujiridhisha ukweli wake kabla ya kuyafikisha serikalini kwa ajili ya malipo.

Majaliwa alisema hayo juzi wakati akizungumza na watumishi wa Hospitali ya Wilaya ya Ruangwa alipotembelea hospitalini hapo akiwa katika ziara ya kikazi iliyolenga kukabidhi msaada wa vifaa tiba alivyovitoa kwa ajili ya hospitali hiyo
.
“Madai mengine yanatia mashaka, sisi hatuhitaji kuletewa madeni ya hovyo hovyo, ni vema Wakurugenzi wa Halmashauri na Wakaguzi wa ndani wakajiridhisha kabla ya kuyapeleka serikalini kwa ajili ya malipo,” alisema.

Alitoa mfano wa madeni aliyoyaita ya ajabu, akisema, “unakuta mtumishi mmoja anaidai serikali Sh milioni 30, jambo ambalo ni gumu hata kama alihamishwa, haiwezekani kufikia kiwango hicho. Pia kuna baadhi ya majina yamejirudia mara nne.
”
Alisema serikali italipa madeni yote inayodaiwa baada ya kumaliza kuyafanyia uhakiki. Aliomba watumishi kuwa na subira wakati serikali ikiendelea na uhakiki iweze kulipa deni sahihi.

Awali , akisoma taarifa ya Idara ya Afya kwa Waziri Mkuu, Mganga Mkuu wa Halmashauri ya Wilaya ya Ruangwa, Dk Japhet Simeo alisema Idara ya Afya inakabiliwa na madeni ya watumishi ambayo ni Sh milioni 109.6 Alisema madeni hayo yametokana na likizo, matibabu, uhamisho wa ndani na nje ya wilaya, gharama za mizigo kwa watumishi waliostaafu.

Alisema halmashauri imejipangia utaratibu wa kulipa madeni hayo itakapopata fedha kutoka serikali kuu. Dk Simeo alimpongeza Rais John Magufuli na Waziri Mkuu, Majaliwa kwa juhudi kubwa wanazofanya kuongeza mapato nchini.

Rais Magufuli aongoza mamia kumuaga mbunge mstaafu

Rais John Magufuli akiaga mwili aliyewahi kuwa Mbunge wa Viti Maalum wa Chadema, Christina Lissu Mughwai katika ukumbi wa Karimjee jijini Dar es Salaam jana. ( Picha na Ikulu).

RAIS John Magufuli ameungana na mamia ya waombolezaji kuaga mwili wa Mbunge mstaafu wa Mkoa wa Singida, Marehemu Christina Lissu Mughwai katika ukumbi wa Karimjee, Jijini Dar es Salaam.

Mughwai aliyekuwa Mbunge wa Viti Maalum Mkoa wa Singida katika kipindi cha kuanzia mwaka 2010 hadi 2015, aliagwa jana kabla ya kusafirishwa kwenda kijiji cha Mahambe mkoani Singida kwa maziko.

Pamoja na Rais Magufuli na mkewe Mama Janeth, viongozi wengine waliohudhuria shughuli ya kuaga ni Naibu Spika wa Bunge, Dk Tulia Akson na Kiongozi wa Kambi Rasmi ya Upinzani Bunge, Freeman Mbowe.

Akitoa salamu kwa niaba ya Rais Magufuli, Waziri wa Nchi Ofisi ya Rais Tawala za Mikoa na Serikali za Mitaa (TAMISEMI), George Simbachawene aliwapa pole familia ya marehemu. Alisema katika kipindi chake cha ubunge, Mughwai alitoa mchango mkubwa kama mbunge na kama mtaalamu wa Uchumi

MKUTANO BOMBA WA MAFUTA WAANZA UGANDA

RAIS WA UGANDA YOWERI KAGUTA MUSEVENI

MKUTANO unaohusu ujenzi wa bomba la kusafirisha mafuta kutoka Uganda hadi Bahari ya Hindi, umeanza mjini Kampala nchini Uganda. Kwa mujibu wa Shirika la Utangazaji la Uingereza (BBC), mkutano huo, ulianza jana, unashirikisha mataifa waanzilishi wa Jumuiya ya Afrika Mashariki (EAC) ambayo ni Kenya, Uganda na Tanzania na baada ya siku tatu maofisa wa Serikali kutoka mataifa hayo wataamua.

Maofisa hao wataamua iwapo bomba hilo linafaa kutoka Uganda na kupitia nchini Tanzania hadi Bandari ya Tanga au kupitia Kenya hadi Bandari ya Lamu au Bandari ya Mombasa.

Bomba la kutoka Tanga hadi Uganda, litakuwa na urefu wa kilometa 1,410 na litasafirisha mafuta ghafi kutoka Hoima eneo la Ziwa Albert nchini Uganda hadi Bandari ya Tanga.

Bomba la kutoka Hoima na kwenda Lokichar kisha hadi Lamu, linakuwa na urefu wa kilomita 1,476 jambo ambalo linainyima Kenya fursa ya bomba hilo kujengwa nchini humo.

Pendekezo la kutoa mafuta Lokichar kisha kupitia Hoima nchini Uganda na kufika Tanga, itakuwa na urefu wa kilomita 2,028. Ingawa ripoti itakayojadiliwa imetoa njia tatu zinazoweza kutumiwa, ni dhahiri kuwa Kenya na Tanzania watakuwa katika hali ya kuchunguzana zaidi kuhusu jambo hilo.

Mazungumzo ya mwezi mmoja uliopita kati ya Rais Uhuru Kenyatta na Rais Yoweri Museveni na wakati huo huo kati ya Rais Museveni tena na Rais John Magufuli juu ya suala la bomba la kupeleka mafuta hadi Bahari ya Hindi, yamezusha uhasama baridi kati ya Kenya na Tanzania.

Tayari vyombo vya habari nchini Tanzania, vimesema kuwa Rais Magufuli na Rais Museveni walishafikia makubaliano ya bomba hilo lipitie Tanzania hadi Bandari ya Tanga.

Mkutano uliofanyika nchini Kenya kati ya Rais Kenyatta na Rais Museveni juu ya bomba hilo, kufuatia mwaliko wa Rais Kenyatta, ulimalizika wiki chache zilizopita bila suluhu yoyote.

Kenya na Tanzania kila nchi ingependa kuona bomba la mafuta, linapitia kwake kutokana na manufaa ya kiuchumi. Mafuta ghafi ya Kenya hayako mbali na yale ya Uganda, lakini ni wazi kwamba kuwa na bomba nchini ni biashara ya kipekee inayoleta faida zaidi.

WACHINA WATATU JELA KWA KOSA LA KUKWEPA KODI

•  Kuchapa  
•  Barua pepe

RAIA watatu wa China, wamehukumiwa kifungo cha miezi sita jela au kulipa faini ya Sh milioni nne kila mmoja baada ya kukiri kukwepa kodi ya Sh 350,000 kwa kutumia mashine za Mamlaka ya Mapato Tanzania (TRA) za kielektroniki za kutolea risiti (EFDs

.Raia hao ni Liu Songyue, Liu Pengfey na Jiang Zedong ambao ni wamiliki wa Kampuni ya M/S Sen He CO Ltd , waliofikishwa katika Mahakama ya Wilaya ya Ilala jana. Akitoa hukumu hiyo, Hakimu Mkazi Mwandamizi, Juma Hassan alisema hawana kumbukumbu ya makosa ya awali kwa washitakiwa.

Alisema kwamba sheria ya kodi, inaruhusu washitakiwa wenye makosa kama hayo, kulipa faini, kifungo au vyote kwa pamoja. Alisema kutokana na washitakiwa kukiri makosa yao, watatakiwa kulipa faini ya Sh milioni nne kila mmoja au jela miezi sita

.

Kabla ya kutolewa kwa hukumu hiyo, Wakili wa washitakiwa, Nahimia Mkoko, aliiomba Mahakama iwape washitakiwa hao, adhabu ya kulipa faini kwa kuwa serikali ipo zaidi kukusanya mapato. Alidai washitakiwa wakilipa faini, mapato wataendelea na shughuli zao na kwamba wataendelea kulipa kodi vizuri kwa ajili ya maendeleo ya nchi.

Awali, akisoma mashitaka hayo, Wakili wa Mamlaka ya Mapato Tanzania (TRA), Marcel Busegano alidai kuwa washitakiwa wanakabiliwa na mashitaka ya kutoa taarifa za uongo kwa Kamishna. Busegano alidai washitakiwa walitenda kosa hilo kati ya Machi 12, mwaka huu, maeneo ya Tabata Shule wilayani Ilala katika Kampuni ya M/S Sen He CO.

Ltd chumba namba 11,12 na 13. Alidai kuwa washitakiwa walitoa risiti ya mauzo kwa mteja, Mwise Wambura ya Sh 200,000 kutoka kwenye mashine ya EFDs inayomilikiwa na kampuni hiyo.

Alidai kuwa siku hiyo hiyo, maofisa wa TRA walitembelea eneo hilo kwa ajili ya ukaguzi wa kodi na kugundua kwamba walikwepa kodi kwa makusudi kwa kujifanya wamepokea fedha hizo kutoka kwa mteja, badala ya 550,000 alizokuwa amelipa.

Pia ilidaiwa baada ya ukaguzi, iligundulika kwamba sehemu ya mauzo ya nguo ambayo ni Sh 350,000 hazikuingizwa kwenye risiti hiyo ya EFDs. “Kutokana na uvunjifu wa sheria ya kodi, mshitakiwa wa kwanza na wa pili walipelekwa Kituo cha Polisi Stakishari na kuchukuliwa maelezo,” alidai Busegano.

Hata hivyo, Hakimu Hassan aliahirisha kesi hiyo hadi Mei 9 mwaka huu itakapotajwa. Pia aliamuru kutolewa kwa hati ya kumkamata mshitakiwa wa nne, ambaye hakufika mahakamani hapo. Aidha, washitakiwa hao walilipa faini hiyo kukwepa adhabu ya jela.

Umeme warudishia watu zaidi ya bil. 69/-

Mkurugenzi Mkuu wa Ewura, Felix Ngamlagosi

 

 

KUSHUKA kwa bei ya umeme kwa wateja wa kada mbalimbali wa nishati hiyo na kuondolewa kwa tozo ya huduma ya kila mwezi ya Sh 5,520 kwa kila mteja wa nyumbani, kumerudisha kwa Watanzania zaidi ya Sh bilioni 69, iliyokuwa ikienda katika Shirika la Umeme (Tanesco).

Mkurugenzi Mkuu wa Mamlaka ya Udhibiti wa Huduma za Nishati na Maji (Ewura), Felix Ngamlagosi, amesema hayo mwishoni mwa wiki, alipokutana na Kamati ya Kudumu ya Bunge ya Uwekezaji wa Mitaji ya Umma (PIC).

Kwa mujibu wa Ngamlagosi, kufutwa tu kwa tozo ya kila mwezi ya huduma kwa wateja wa majumbani ambayo ilikuwa Sh 5,520, ambayo ni mbali na punguzo la bei kwa kada mbalimbali za wateja, kumewarejeshea Watanzania Sh bilioni 69, ambazo hapo awali zilikuwa zikienda Tanesco.
Alipoulizwa iwapo hatua hiyo ya kupunguza bei ya umeme imetokana na shinikizo kutoka serikalini na kama kutayumbisha shirika hilo muhimu kwa uchumi wa nchi. Ngamlagosi alisema, kwanza maombi ya kushusha bei hiyo yametoka Tanesco.

“Sisi tumepokea barua kutoka Tanesco ikituomba suala la kushusha bei ya umeme na sio kwamba walilazimishwa na Serikali na sisi tuliwahoji sana, kama wataweza kujiendesha, baada ya kuridhika na maelezo yao na uchunguzi wetu, ndipo tukakubali,” alisema Ngamlagosi.

Faida ya gesi Akifafanua matokeo ya uchunguzi uliochangia wakubali kushushwa kwa bei hiyo, Ngamlagosi alisema walibaini ukweli kwamba hivi sasa mitambo ya kuzalisha umeme huo unaouzwa na Tanesco, mingi haitumii tena mafuta, bali inatumia gesi asilia inayochimbwa hapa nchini
Umeme wa mafuta ulikuwa ghali kwa kuwa kwanza yananunuliwa kwa fedha za kigeni na hivyo kuporomoka kwa Shilingi, kuliongeza gharama za ununuzi na pia bei yake kimataifa, ina tabia ya kubadilikabadilika, tofauti na gesi inayochimbwa nchini.

Capacity Charge Ngamlagosi alisema mbali na faida ya kutumia umeme unaotokana na gesi, ambao kwa mujibu wa Shirika la Maendeleo ya Petroli (TPDC), karibu asilimia 70 ya umeme wote kwa sasa ni wa gesi, pia walibaini mitambo yote ya kufua umeme wa dharura imeondolewa.

“Ni kweli Tanesco hivi sasa wanatumia kiasi kidogo cha mafuta na mitambo yote ya dharura haitumiki tena, pia vyanzo vya nishati vimeongezeka na vingi ni vya uhakika na hakuna kampuni ya dharura ya muda mfupi inayolipwa tozo ya uwezo wa mtambo (capacity charge),” alisema Ngamlagosi.

Tozo hiyo ya uwezo wa mtambo, ambayo ilikuwa ikitozwa katika mitambo mingi ya ufuaji umeme wa dharura, iliongeza gharama kwa kuwa hata kama mtambo hauzalishi au umezimwa kabisa, tozo hiyo ilikuwa ikilipwa kwa siku kwa mabilioni ya Shilingi.

Kutokana na faida hizo, ikiwemo kujaa kwa mabwawa ya kufua umeme wa maji, Ngamlagosi alisema punguzo hilo si hasara kwa sababu unafuu wa uzalishaji nishati hiyo nao umeongezeka.

Wafanyabiashara Wakizungumza na gazeti hili jana, wananchi wa kada mbalimbali nchini wakiwemo wasomi na wanasiasa, wamepongeza Serikali kwa kushusha bei ya umeme na kueleza ni mwanzo mzuri wa wananchi kuanza kufaidi kukua kwa uchumi, huku wakitaka wenye viwanda na wafanyabiashara waangalie namna ya kushusha bei za bidhaa na huduma.

Walisema kwa muda mrefu wananchi wamekuwa wakipata maumivu kutokana na umeme kuwa ghali, jambo lililofanya wengi kutomudu gharama zake wakiwemo wa mijini na vijijini.

Mhadhiri wa Chuo Kikuu cha Dar es Salaam, Dk Benson Bana alipongeza Tanesco, Ewura na Serikali kwa punguzo hilo kwani Watanzania wanaanza kufaidi uzalishaji wa umeme kwa gesi asilia inayopatikana nchini na siyo mafuta yaliyokuwa ya gharama kubwa.

Alisema nia ni kumpunguzia mlaji gharama za maisha, kama ilivyo lengo la Serikali ya Awamu ya Tano kuhakikisha wananchi wanapata huduma hiyo kwa gharama nafuu. “Kutokana na kupungua gharama hii ya umeme hakika na wazalishaji viwandani watakuwa wamepunguziwa gharama, hivyo ni wakati wa kufikiria kupunguza gharama za bidhaa zao ili kuendelea kumpatia mwananchi wa kawaida unafuu wa maisha,”alisisitiza.

Dk Banna alisema ni dhahiri kuwa uchumi wa nchi ulikuwa ukikua katika vitabu tu huku wananchi wakishindwa kuona manufaa yake lakini sasa wananchi wameanza kufaidi ukuaji wa uchumi wa nchi kwa kuwa na umeme wa uhakika na nafuu. Rais wa Chama cha Walimu Tanzania (CWT), Gratian Mukoba alisema suala la kupungua bei ya umeme ni zuri na linadhihirisha kuwa nchi imepata Rais anayejali wananchi wake.

Kimeta chaua mmoja, 197 wachunguzwa

Mkuu wa Mkoa wa Kilimanjaro, Said Meck Sadik.

 

MTU mmoja amefariki kwa ugonjwa wa kimeta wilayani Rombo, huku wengine 197 wakiwa katika uangalizi maalumu na wanne wakitambulika kuugua baada ya kula nyama yenye vimelea vya ugonjwa huo.

Mkuu wa Mkoa wa Kilimanjaro, Said Meck Sadiki amesema ugonjwa huo umeripotiwa katika vijiji vya Ubetu, Wama na Kilongo na wagonjwa wanaendelea na matibabu katika Hospitali Teule ya Huruma.

Sadiki ambaye alifanya ziara katika wilaya hiyo, aliagiza wananchi kutokula nyama za wanyama kama ng’ombe, mbuzi, kondoo na nguruwe bila kuthibitishwa na wataalamu wa afya ili kuepusha kuenea zaidi kwa ugonjwa huo.


Taarifa ya Sadiki iliyotumwa jana na Ofisa Habari wa Mkoa wa Kilimanjaro, Shaban Pazi, ilieleza kuwa kuna uwezekano wa kudhibiti kuenea kwa ugonjwa huo ndani ya Mkoa wa Kilimanjaro na tayari chanjo kwa mifugo inaendelea.

Alitaka wataalamu wa sekta ya afya kudhibiti uhamishwaji wa mifugo kutoka sehemu moja kwenda nyingine, hususan maeneo ya mipakani na nchi ya Kenya ili kuhakikisha mifugo ya nchini inayopata chanjo haipati maambukizi mengine ya ugonjwa huo.

Serengeti Boys yang’ra

Wachezaji wa Serengeti Boys wakishangilia bao la pili dhidi ya timu ya Taifa ya Vijana ya Misri (The Pharaohs) chini miaka 17 katika mchezo wa Kimataifa wa kirafiki uliochezwa Uwanja wa Taifa Dar es Salaam jana. Serengeti ilishinda mabao 2-1. (Picha na Yusuf Badi).

TIMU ya soka ya Taifa ya vijana wenye umri chini ya miaka 17 ‘Serengeti Boys’, jana ilipata ushindi wa mabao 2-1 dhidi ya Misri, katika mchezo wa kirafiki wa kimataifa uliopigwa Uwanja wa Taifa, Dar es Salaam.

Ushindi huo ni ishara njema kwa klabu ya Yanga ambayo wiki ijayo itaikabili Al Ahly, kwenye mchezo wa Ligi ya Mabingwa Afrika, lakini pia kwa timu ya taifa ya wakubwa ‘Taifa Stars’ ambayo mwezi Juni, itaikabili Misri, katika mchezo wa kuwania kufuzu fainali za Mataifa ya Afrika ‘Afcon’.
Hadi mapumziko Serengeti Boys, inayonolewa na kocha Bakari Shime, ilikuwa mbele kwa bao moja lililofungwa na kiungo Cyprian Benedictor, aliyewalamba chenga mabeki wanne wa Misri na kumtungua kipa Amro Boghdady.

Kipindi cha pili Misri walionekana kuja juu baada ya kufanya mabadiliko kwa kuwaingiza Mahmud Mohamed na Mohamed Hegaze, kuchukua nafasi za Mohamed Elsayed na Walid Ataia na jitihada zao zilizaa matunda dakika 85 baada ya Diaa Wahed kuisawazishia timu yake kwa shuti kali.

Kuingia kwa bao hilo kuliwazindua Serengeti ambao waliutawala kwa asilimia kubwa mchezo huo na kufanya mashambulizi mengi kwenye lango la Misri, lakini umaliziaji ulikuwa butu.

Wakati mashabiki wakiamini mchezo ungemalizika kwa sare, beki wa kati, Ally Hussein, aliifungia Serengeti Boys, bao la ushindi dakika ya 90, baada ya kupanda mbele na kupokea krosi ya Boko Selemani.

M’kiti halmashauri Arusha, wenzake 4 kortini kwa tuhuma za kujeruhi

MWENYEKITI wa Halmashauri ya Arusha, Noah Lembris

 

MWENYEKITI wa Halmashauri ya Arusha, Noah Lembris na wenzake wanne wamefikishwa katika Mahakama ya Hakimu Mkazi Mkoa wa Arusha kwa tuhuma za kujeruhi na kuharibu mali.
Washtakiwa hao walifikishwa mahakamani hapo jana mbele ya Hakimu Mkazi Gwanta Mwankuga na kusomewa mashtaka yanayowakabili katika kesi namba 83 na 84 za mwaka 2016 .

Pamoja na Mwenyekiti huyo wa Halmashauri ambaye ni Diwani wa Kata ya Oltumet kupitia Chadema, watuhumiwa wengine ni William Samwel, Rafael Ngosira, Loserian Solomon na Lucas Lairumbe.

Akisoma mashtaka hayo, Mwanasheria wa Serikali Riziki Riziki alidai mahakamani hapo kuwa mshatakiwa wa kwanza Noah Lembris na Wiliam Samweli kwa pamoja Septemba 27, mwaka jana katika eneo la Olorien wilayani Arumeru walidaiwa kuchoma moto nyumba ya mkazi wa eneo hilo Peter Kambey.

Katika shtaka la pili linalowakabili watuhumiwa wote inadaiwa Februari 29, mwaka huu wanadaiwa kumjeruhi sehemu mbalimbali za mwili Peter Kambey wakati akiwa shambani kwake na kumsababishia maumivu makali.

Watuhumiwa wote walikana mashtaka yanayowakabili na waliachiwa kwa dhamana hadi Aprili 14, mwaka huu ambapo kesi hiyo itatajwa tena mahakamani hapo. Awali kabla ya kupandishwa mahakamani na kusomewa mashtaka hayo, watuhumiwa hao walikuwa katika mgogoro wa kugombea shamba lenye ukubwa wa ekari 6 mali ya ajuza Ndetiai Megaro (84) mkazi wa kijiji cha Ilkiushi wilayani Arumeru.

Mgogoro huo uliodumu kwa takriban miaka 12 unatokana na baadhi ya viongozi wa kisiasa akiwemo Mwenyekiti Lembris kujaribu kudhulumu shamba hilo kwa kuhamisha umiliki kutoka kwa bibi huyo na kudai kuwa ni eneo la kijiji cha Ilkiushi.

Kitilya, wenzake wawili kortini

Kamishna Mkuu mstaafu wa Mamlaka ya Mapato Tanzania (TRA), Harry Kitilya (wa pili kushoto), Shose Sinare (wa pili kulia) na Sioi Sumari (kushoto) wakiwa katika Mahakama ya Hakimu Mkazi Kisutu Dar es Salaam jana. (Na Mpigapica Wetu).

SAKATA la rushwa ya Dola za Marekani milioni 600, linalohusisha Benki ya Standard ya London Uingereza, jana lilichukua sura mpya baada ya kufikishwa mahakamani kwa aliyekuwa Kamishna Mkuu wa Mamlaka ya Mapato Tanzania (TRA), Harry Kitilya, akikabiliwa na mashitaka mbalimbali, ikiwemo utakatishaji wa fedha.

Washitakiwa wengine waliounganishwa katika kesi hiyo ni pamoja na mrembo wa zamani wa Tanzania ambaye pia ni Mkuu wa Uwekezaji wa Benki ya Stanbic, Shose Sinare na aliyekuwa Mkuu wa Kitengo cha Sheria wa benki hiyo, Sioi Graham Solomon. Mashitaka mengine yanayowakabili katika kesi hiyo mbali na kutakatisha fedha, ni pamoja kutumia nyaraka za kughushi na za uongo kujipatia isivyo halali Dola za Marekani milioni 6, sawa na Sh bilioni 12 za Tanzania.

Mbele ya Hakimu Mwandamizi, Emilius Mchauru washitakiwa hao walikana mashitaka hayo na kurudishwa rumande mpaka Aprili 8 mwaka huu, wakati mahakama itakapokutana kusikiliza shauri kuhusu dhamana yao. Upande wa utetezi, ukiwakilishwa na mawakili Dk Ringo Tenga na Semu Anney, waliomba mahakama itoe dhamana kwa wateja wao.

Hata hivyo, upande wa Mashitaka ukiwakilishwa na wanasheria waandamizi wa Serikali; Oswald Tibabyekomya na Christopher Msigwa pamoja na Mwanasheria wa Taasisi ya Kupambana na Kuzuia Rushwa (Takukuru), Stanley Luwoga walipinga dhamana hiyo kwa madai kuwa kesi za utakatishaji fedha hazina dhamana.

Awali upande wa mashitaka uliieleza mahakama kwamba, katika tarehe tofauti kati ya Agosti 2012 na Machi 2013, katika Jiji la Dar es Salaam, washitakiwa hao watatu walipanga pamoja kwa kushirikiana na watu wengine ambao hawakufikishwa mahakamani hapo, kutenda kosa la kujipatia fedha kwa udanganyifu kutoka serikalini.

Ilidaiwa kuwa kati ya Agosti 2, 2012 katika Makao Makuu ya Benki ya Stanbic Tanzania Limited yaliyopo wilayani Kinondoni, mshitakiwa Sinare akiwa na nia ovu, alighushi taarifa ya maombi ya fedha ya Benki ya Standard ikiwa na tarehe ya Agosti 2, 2012.

Kwa mujibu wa madai hayo, Sinare alieleza katika maombi hayo kuwa Benki ya Standard ya London kwa kushirikiana na Benki ya Stanbic ya Tanzania, watatoa mkopo unaofikia Dola za Marekani milioni 550 kwa Serikali ya Jamuhuri ya Muungano wa Tanzania, kwa gharama ya asilimia 2.4 ya mkopo huo, wakati akijua kuwa gharama hiyo si kweli.

Mahakama ilielezwa kuwa Agosti 13, 2012, mrembo huyo wa zamani wa Tanzania, aliwasilisha taarifa hiyo ya kughushi katika Wizara ya Fedha iliyopo Wilaya ya Ilala, Dar es Salaam. Imedai kuwa Septemba 20, 2012 katika Benki ya Stanbic, Sinare alitengeneza barua ya uongo ya kuelezea mkopo huo wa Dola za Marekani milioni 550, ikieleza kuwa Benki ya Standard PLC kwa kushirikiana na Benki ya Stanbic, zitatoa mkopo huo kwa Serikali kama wakikubaliwa
.
Upande huo wa mashitaka uliendelea kudai kuwa, Sinare aliwasilisha barua hiyo ya uongo katika Wizara ya Fedha kwa lengo hilo hilo. Kwa mujibu wa madai hayo, Novemba 5, 2012 katika Benki ya Stanbic jijini Dar es Salaam, washitakiwa wote watatu, wakiwa na nia ovu, walitengeneza makubaliano ya uongo kwa lengo la kuonesha kuwa benki imeipa kampuni ya Enterprise Growth Market Advisors (EGMA) Limited, kazi ya kushughulikia mkopo huo.

Bei ya umeme yashuka

Mkurugenzi Mkuu wa Ewura, Felix Ngamlagosi

 

 

MAMLAKA ya Udhibiti ya Huduma za Nishati na Maji (Ewura) imepunguza bei ya umeme baada ya kupokea ombi la Shirika la Umeme (Tanesco). Katika maombi yake, Tanesco waliomba kupunguza umeme kwa asilimia 1.1 lakini baada ya Ewura kupitia maombi hayo imepunguza kwa asilimia 1.5 hadi 2.4 kutoka bei ya sasa.

Akizungumza na waandishi wa habari jana mjini Dar es Salaam, Mkurugenzi Mkuu wa Ewura, Felix Ngamlagosi alisema bei hiyo mpya ya umeme, imeanza kutumika jana. Kwa mujibu wa Ngamlagosi, Ewura walifikia hatua hiyo ya kupunguza zaidi ya maombi ya Tanesco, baada ya kukaa na wadau.
Mbali na kushusha bei ya umeme, Ngamlagosi alisema pia baadhi ya gharama ambazo ni tozo ya kuwasilisha maombi ya kuunganishiwa umeme ambayo ilikuwa Sh 5,000 na tozo ya huduma ya mwezi (service charge) iliyokuwa Sh 5,520 kwa wateja wa majumbani ambao wapo katika kundi la T1, pia vimefutwa Ngamlagosi alisema hata marekebisho ya bei za umeme kwa mwaka 2017, yameahirisha mpaka Tanesco itakapowasilisha upya maombi hayo kabla ya Agosti 31, mwaka huu.
“Kutokana na kifungu cha Sheria ya Umeme ya mwaka 2008, kifungu cha 23 (2) na 23 (3), yatakuwepo marekebisho ya bei za umeme kutokana na mabadiliko ya bei za mafuta, thamani ya fedha na mfumuko wa bei. Marekebisho hayo yatafanyika kwa mujibu wa kanuni ya 7 ya urekebishaji wa bei za umeme ya mwaka 2016,” alisema.

Aliongeza kuwa kundi la wateja wadogo wa nyumbani wale wa kipato kidogo ambao wanatumia uniti moja hadi 75, wanatakiwa kwa mwezi kulipa Sh 350 kwa kila uniti inayozidi.

Pia, kwa watu wa majumbani wenye matumizi makubwa wana punguzo la Sh 6 kutoka Sh 298 kwa uniti hadi 292. Kundi jingine lililonufaika na punguzo hilo, limetajwa kuwa ni wafanyabiashara wa kati ambao ni wenye mitambo, hoteli na migahawa ambao wana punguzo la Sh 5 kutoka Sh 200 hadi 195.

Ngamlagosi alifafanua kuwa wateja wa viwandani wamepunguziwa Sh 2 kwa uniti toka Sh 159 hadi 157 na wateja wanaotumia msongo mkubwa wa umeme wana punguzo la Sh 4 kutoka Sh 156 hadi 152 kwa uniti.

Alisema pia Tanesco ilipeleka ombi la punguzo la umeme la mwaka 2017 ambalo walipendekeza bei ya umeme ipungue kwa asilimia 7.9, lakini pendekezo hilo limeahirishwa mpaka hapo watakapowasilisha upya maombi kabla ya Agosti 31, mwaka huu.

Mkwasa arejea Yanga

Kocha Mkuu wa Taifa Stars, Charles Boniface Mkwassa.

 

KOCHA Mkuu wa timu ya soka ya Taifa ya Tanzania ‘Taifa Stars’, Charles Mkwasa ameitwa kuongeza nguvu katika benchi la ufundi la Yanga kwa ajili ya mchezo wa Ligi ya Mabingwa Afrika dhidi ya Al Ahly ya Misri wiki ijayo.

Habari zilizopatikana jana kutoka Yanga, zilieleza kuwa tayari Shirikisho la Soka Tanzania (TFF) limeshatoa ruhusa ili aweze kuisaidia Yanga kipindi hiki cha kuelekea mchezo huo. “Ni kweli Mkwasa ameitwa kuongeza nguvu, unajua Kocha wa Yanga (Hans Pluijm), anamkubali sana Mkwasa, hivyo wameona aje asaidie wakati huu ambapo hana majukumu Taifa Stars,” kilisema chanzo chetu na kusisitiza kwamba Mkwasa haina maana amejiondoa Taifa Stars.

Mkwasa hakupatikana jana kuzungumzia suala hilo, wala Ofisa Habari wa Yanga, Jerry Muro na hata Ofisa Habari wa TFF, Baraka Kizuguto. Hata hivyo, TFF iliwahi kutoa taarifa kwamba timu za Yanga na Azam zipo huru kuwatumia makocha wa Taifa Stars, Mkwasa na Hemed Morocco katika maandalizi yao kwa ajili ya michezo ya kimataifa inayowakabili.

Mkwassa alikuwa Kocha Msaidizi wa Yanga kabla ya kuteuliwa kuwa kocha muda wa Taifa Stars katikati ya mwaka uliopita akirithi mikoba ya Mholanzi Mart Nooij aliyetimuliwa baada ya matokeo mabaya ya Stars.

TFF ilisaini naye mkataba wa miezi 18 Oktoba mwaka jana baada ya kuridhishwa na kazi yake, ambapo mkataba huo utamalizika Machi 31 mwakani. Wakati huohuo, Mohammed Akida anaripoti kuwa Pluijm amesema ushindi wa mabao 2-1 dhidi ya Ndanda FC juzi utachangia kukiimarisha kikosi chake kwa mchezo wa Ligi ya Mabingwa Afrika dhidi ya Al Ahly mwishoni mwa wiki ijayo.
Yanga juzi ilishinda mabao 2-1 katika mchezo wa robo fainali Kombe la Shirikisho, lakini haikuonesha kiwango cha kuvutia kiasi cha mashabiki kuingiwa na hofu kuhusu mchezo wao na Ahly.

Akizungumza baada ya mchezo huo, Pluijm alikiri timu yake kucheza vibaya, lakini alisema hiyo ni moja ya mikakati yao kuhakikisha wanatunza nguvu za kucheza mechi zingine tatu zinazowakabili ikiwemo ya Al Ahly.

Pluijm alisema huo ni ushindi mkubwa kwao na sasa wanajipanga kushinda michezo miwili ya Ligi Kuu Tanzania Bara dhidi ya Kagera Sugar na Mtibwa Sugar kabla ya kuikabili Al Ahly Jumamosi ijayo.

Usawa wa kijinsia katika jamii za kitanzania bado ni kizungumkuti

 

Wanafunzi wakisikiliza semina

 

 Bi Fatma Amiry akitoa semina ya jinsia katika ukumbi wa chuo cha uandishi wa habari Arusha

Kulingana na usanyanyasaji wa kijinsia unaoendelea katika maeneo  mbalimbali  nchini,jamii imehaswa kuweka usawa wa kijinsia ili kuweza kutokomeza adha hiyo.

Hayo yamesemwa na  Bi. Fatma Amiry ambaye ni Afisa ustawi wa jamii mkoani Arusha  katika semina  ya  kupinga unyanyasaji  wa kijinsia na maambukizi ya Ukimwi iliyofanyika katika ukummbi wa chuo cha Uandishi wa Habari na utangazaji  Arusha (AJTC).

Ameeleza kuwa  jamii  nyingi  za kitanzania bado zinamitazamo  hasi kuhusiana na suala la usawa  wa kijinsia  kutokana na mila na destuuri walizojiwekea  ambazo  zinaleta migogoro na usnyanyasaji wa kijinsia.

Bi Fatma amesema  jamii inatakiwa ibadilike kulingana na wakati uliopo ili kuweza kuleta usawa huo katika jamii ikiwa ni pamoja na wanawake kurithi mali,kupewa elimu na kutokudharauliwa

“Ni wakati wa mabadiliko katika jamii zetu, maisha ya zamani ni tofauti na sasa hivyo nawaomba watanzania wenzangu waache kunyanyasa jinsia tofauti ili kuweza kutimiza malengo ya haki sawa kwa wote”Alisema Bi. Fatma Amiry

Licha ya hayo pia amewashauri vijana na jamii kwa ujumla  kupima afya  na kuwa  waaminifu kwa wapenzi wao  ili kuweza kupunguza kasi ya maambukizi  ya  virus vya  Ukimwi

Kwa upande wake mkufunzi wa chuo hicho Bw. Lucas Modaha amesema  vijana na wanandoa wajiheshimu na kulinda utu ili kuepuka maambukizi mapya ya VVU